Sahnada dybys pen jaryq júıelerí tolyqtaı tekserílíp, kontsertke qatysatyn jūldyzdy qonaqtar aldyn ala kelíp, óz ónerlerín pysyqtauda. Sondaı-aq ot shashu elementterí bírneshe márte synaqtan ótkízílíp, keshtíń tehnıkalyq qauípsízdígí tolyq qamtamasyz etílude.
Sonymen qatar, qala tūrǵyndary da aldaǵy kontsertten erekshe áser kútetínderín jasyrmady.
Qala tūrǵyny Úmít:
«Jańa jyldyq basty kontsertke alǵash ret kelíp tūrmyn. Ár jyl saıyn kele bermeımín, sondyqtan bıyl erterek kelíp, sahnany jaqyn jerden kórudí jón kórdím. Basty maqsatym — Ninety One tobynyń ánderín tyńdau. Alańǵa kelgen sátten bastap erekshe áser sezíledí: ásem bezendírílgen orta, túrlí tústí jaryqtar, áuen men halyqtyń bír-bíríne beretín jyly energıyasy bírden baıqalady. 00:00-ge deıín osynda bolyp, bírge kúlíp, bılep, án tyńdap, keıín otbasymmen qosylyp Jańa jyldy qarsy alamyn», — deıdí ol.