Eńbek jáne halyqty áleýmettik qorǵaý mınıstrligi 2026 jyldan bastap zeınetaqy, balaǵa beriletin járdemaqy men múgedektigi bar azamattardyń járdemaqysy qalaı ósetinin eseptep kórsetti, dep habarlaıdy Aqshamnews.kz tilshisi.
Aıta keteıik, «2026-2028 jyldarǵa arnalǵan respýblıkalyq búdjet týraly» Zańda 2026 jyldyń 1 qańtarynan bastap memlekettik járdemaqylardyń barlyq túrin, bazalyq jáne yntymaqty zeınetaqylardy QR Ulttyq Banki aıqyndaıtyn ınflásıanyń boljamdy deńgeıine sáıkes 10% kóbeıedi.
Osylaısha, 2026 jyldyń 1 qańtarynan bastap:
- 2025 jyly 171 588 teńge zeınetaqy alyp júrgen azamattar 2026 jyldyń 1 qańtarynan bastap 192 816 teńgezeınetaqy alady;
- 2025 jyly 63 030 teńge járdemaqy alyp júrgen 4 balasy bar otbasylar 2026 jyldyń 1 qańtarynan bastap 69 330 teńge járdemaqy alady
- 2025 jyly 157 280 teńge járdemaqy alyp júrgen 10 balasy bar otbasylar 2026 jyldyń 1 qańtarynan bastap 173 000 teńge járdemaqy alady;
- 2025 jyly 101 702 teńge járdemaqy alyp júrgen I toptaǵy múgedektigi bar adamdar 2026 jyldyń 1 qańtarynan bastap 111 872 teńge;
- II toptaǵy múgedektigi bar azamattar 81 362 teńgeniń ornyna 89 498 teńge;
- III toptaǵy múgedektigi bar azamattar 55 474 teńgeniń ornyna 61 021 teńgejárdemaqy alady.