Qaraǵandy qalasy Álıhan Bókeıhan aýdanynyń prokýratýrasy jalpy somasy 985 156 250 teńgeni quraıtyn, aýdandy merekelik bezendirý boıynsha úsh jyldyq konkýrstyń kúshin joıdy, dep habarlaıdy almaty-akshamy.kz Qaraǵandy oblysynyń prokýratýrasyna silteme jasap.
Oǵan bir jyldan astam merzimge shart jasasý negizderiniń tolyq tizbesi kózdelgen Búdjetti atqarý jáne oǵan kasalyq qyzmet kórsetý qaǵıdalarynyń buzylýy negiz boldy.
Tapsyrys berýshige shartty oryndaý merzimin ulǵaıtý qarjylyq turaqtylyq kórsetkishine negizdelgen áleýetti jetkizýshilerdiń qatysýyn shektegen.
Prokýrordyń narazylyǵy boıynsha aýdan ákimdiginiń konkýrsynyń kúshi joıylyp, konkýrsty 1 qarjy jylyna jarıalaý talaptaryna sáıkestendirildi.
Kásipkerlik kedergini joıý kásipkerlerdiń memlekettik satyp alýǵa qatysý múmkindigin keńeıtti.