Joldaý – bul Prezıdenttiń halyqpen qarym-qatynasynyń erekshe formaty. Joldaýda aldaǵy ózgeristerdiń mańyzy kórsetilgen. Úkimet pen Parlamenttiń aldyna ádiletti Qazaqstannyń ekonomıkasyn túzetý boıynsha maqsattar men mindetter qoıyldy. Barlyq bastamalar egjeı-tegjeıli esepteýler men zertteýlerge negizdelip jasalǵan.
Búgin Memleket basshysy qoǵamnyń suranystaryna janashyrlyqpen qaraıtynyn taǵy da kórsetti. Máselen, atom elektr stansıalaryn salý jáne óskeleń urpaqtyń múddeleri men qaýipsizdigin qorǵaý, basqa da mańyzdy taqyryptar boıynsha jalpyulttyq referendým ótkizý sıaqty sheshimderinen kórinis tabady.
Bıyl Parlament palatalarynyń birlesken otyrysyna Májilis jáne Senat depýtattary, ortalyq memlekettik organdardyń basshylary, adam quqyqtary jónindegi komısıa, áıelder isteri jáne otbasylyq-demografıalyq saıasat jónindegi ulttyq komısıa múshelerimen qatar eńbek ujymdarynyń ókilderi qatysty. Prezıdent osylaı memleket ómirine qoǵamnyń barlyq ókilderi aralasý kerektigin jetkizdi.
Ekonomıka máselelerin sheshýmen jáne saıası, memlekettik qurylymdy qaıta qurýmen tıisti mınıstrlikter men vedomstvolardyń mamandary aınalysady. Bizdiń mindetimiz – ulttyń berik jańa sapasyn qalyptastyrý boıynsha jumys jasaý. Qazaqstan Jazýshylar odaǵy otandyq ádebıetti damytý, aqyndar men jazýshylardy qoldaý, olardyń shyǵarmashylyǵyn ósirý jáne kitap shyǵarý boıynsha birqatar jobalar ázirledi.
Biz óskeleń urpaqtyń oqýǵa degen qyzyǵýshylyǵyn damytýǵa erekshe nazar aýdardyq. Qazaq ádebıetine degen súıispenshilikti oıatý úshin mektepterde júıeli túrde «ádebı saǵattardy» ótkizýdi usynamyz. Jazýshylar men aqyndar balalardy shyǵarmashylyq úderispen, ıdeıa izdeýmen tanystyrady, bizdiń tanymal jáne jańa bastaǵan avtorlarymyzdyń ómiri men shyǵarmashylyǵy týraly áńgimeleıdi.
Basty maqsat balalardy – otansúıgishtikke, bilimdilikke, eńbekqorlyqqa, tártipke, jaýapkershilikke, ádildikke, únemshildikke jáne jaýaptylyqqa tárbıeleý. Osy mańyzdy qasıetterdi ádebıetshilerdiń eńbekteri arqyly tulǵanyń boıyna sińirý kerek.
Bul týraly búgin Memleket basshysy, azamattar, ásirese jastar, eń jaqsy qasıetterdi qamtýy tıis – budan qoǵam qundylyqtarynyń birtutas júıesi qalyptasyp otyrǵanyn atap aıtty.
Prezıdent ádiletti Qazaqstandy qurý úshin tek saıası jáne ekonomıkalyq reformalar jetkiliksiz ekenin atap ótti. Birinshiden, azamattardyń qoǵamdyq sanasy men kózqarasyn ózgertý qajet, onsyz qalǵan barlyq jumys beker bolary anyq. Bul Abaıdyń «Tolyq adam» týraly iliminen bastaý alatyn «Adal azamat» tujyrymdamasynyń tereń maǵynasy.
Bizdiń árqaısymyz ata-babalarymyzdyń baǵa jetpes murasy – týǵan jerimizdi qorǵaý men órkendetýdi qamtamasyz etý týraly úndeýge jaýap berýimiz kerek. Bul bizdiń qasıetti mindetimiz. Ortaq maqsatqa jetý úshin qoldan kelgenniń bárin jasap, elimizdi myqty ári tabysty etý úshin árkim ózine úlken jaýapkershilik artýy kerek.