Kóliktegi polısıa departamenti qaýipsizdik sharalaryn júrgizedi
Kóliktegi polısıa departamentiniń jeke quramy bıylǵy jylǵy 7-10 mamyr aralyǵynda elimizdiń temir jol jáne áýe vokzaldarynda, sondaı-aq jolaýshylar poezdarynda qaýipsizdik sharalaryn kúsheıtedi. Bul «Otan qorǵaýshylar kúni» jáne «Jeńis kúni» merekelerimen baılanysty qolǵa alynǵan shara. Bul týraly departament bastyǵy Ońal Bekeev málim etti, dep habarlaıdy Almaty-akshamy.kz Inform.kz-ke silteme jasap.
Onyń aıtýynsha, mereke kúnderi áýe jáne temirjol kóligindegi jolaýshylar aǵyny eki esege artady. Osyǵan baılanysty, kólik polıseıleri quqyqtyq tártipti, azamattardyń qaýipsizdigi men tynyshtyǵyn qamtamasyz etý, sondaı-aq quqyq buzýshylyqtar men qylmystardyń aldyn alý boıynsha is-sharalar keshenin júrgizedi.
«Qoǵamdyq tártipti saqtaýǵa jáne áýe, temirjol kóligimen qatynaıtyn jolaýshylardyń qaýipsizdigin qamtamasyz etý úshin táýligine departamenttiń 1000-nan astam qyzmetkeri jumyldyryldy. Basshylyq quram qatarynan jaýapty laýazymdy tulǵalardyń kezekshiligi belgilendi», - dedi O. Bekeev.
Vedomstvo basshysy óz sózinde kınologtardyń da qyzmettik-izdestirý ıtterin qoldana otyryp, turaqty túrde perrondardy, vokzaldar men áýejaılardaǵy barlyq bagaj bólimshelerin, saqtaý kameralary men kútý zaldaryn tekseretindigin jetkizdi.