Astanada eldiń ár túkpirinen kelgen úsh pasıentke bir aǵza donorynyń eki búıregi men júregi transplantattaldy, dep habarlaıdy Almaty-akshamy.kz.
QR Densaýlyq saqtaý mınıstrliginiń málimetinshe, mereke aldyndaǵy kúni Ulttyq ǵylymı onkologıa ortalyǵy men Astana qalasynyń Kardıohırýrgıalyq ortalyǵynyń transplantologtary, kardıohırýrgtary, anestezıologtary men meıirgerleri quramyndaǵy joǵary bilikti dárigerler toby sanavıasıa bortynda Pavlodar oblysyna keldi.
Sonymen qatar, Astana qalasynda kútý paraǵynda turǵan baǵdarlamamen iriktelgen resıpıentter qosymsha taldaýlar tapsyrý úshin shaqyryldy.
Medısınalyq zerttep-qaraýdan ótý nátıjesi boıynsha jáne komısıanyń sheshimi boıynsha 26 jastaǵy resıpıent anyqtaldy. Ol búırektiń V termınaldy satysy dıagnozymen 6 jyl boıy gemodıalızde bolǵan.
Astana qalasyndaǵy Ulttyq ǵylymı onkologıa ortalyǵynda dárigerler eresek pasıentke kadaverlik búırekti transplantattaýdy sátti júrgizdi.
Resıpıent palataǵa aýystyryldy,búgingi kúni onyń jaǵdaıy jaqsy. Búırek tolyq jumys istep tur.
Ekinshi búırek balaǵa Astanadaǵy Ana men bala ortalyǵynda transplantattaldy.
Úshinshi aǵza - júrekti transplantattaý Kardıohırýrgıalyq ortalyqta júrgizildi.