Almaty oblysynda mereıtoılyq datalarǵa daıyndyq júrip jatyr
Almaty oblysynda mereıtoılyq datalarǵa baılanysty jyr alyby Jambyl Jabaev pen Muqaǵalı Maqataev, sol sıaqty memleket qaıratkeri Dinmuhammed Qonaev beınelengen mýraldar paıda boldy. Sýretter Eńbekshiqazaq aýdany Esik qalasyndaǵy kóp qabatty úılerdiń qabyrǵalaryna salyndy, - dep habarlaıdy Almaty-akshamy.kz. Almaty oblysy ákiminiń baspasóz qyzmetiniń habaryna silteme jasap.
Aýdan ákimdiginiń málimeti boıynsha, aksıa el Táýelsizdiginiń 30 jyldyǵyna, J.Jabaevtyń 175 jyldyǵy men M.Maqataevtyń 90 jyldyǵyna arnalyp otyr. Mýraldar qazaq tarıhynda súbeli eńbegi bar tulǵalardy el jadynda jańǵyrtý maqsatynda salyndy.
Bul shyǵarmashylyq jumysty buǵan deıin Almaty oblysy men Almaty qalasynda úı qabyrǵalaryna 50-den astam beıneler salǵan sýretshi Aleksandr Romanov oryndady. Ol - oıshyl aqyn Abaı Qunanbaıulynyń, han batyry atanǵan Qabanbaıdyń mýraldaryn boıaýymen beınelegen tanymal sýretshi. Bul sýretter Almaty oblysy Úsharal qalasyndaǵy kóp qabatty úılerdiń qabyrǵalarynan kórinis tapqan. Endi Eńbekshiqazaq aýdanynyń ákimi Á.Jaqanbaevtyń qoldaýymen qylqalam sheberiniń kóshedegi sýretteri Esik qalasynyń bıik úıleriniń qabyrǵasyna kórik berip tur.
Atap ótsek, qabyrǵadaǵy sýretterge sheber 265 saǵatyn jáne 60 kg boıaý jumsaǵan.