Túrkıa prezıdenti Rejep Taııp Erdoǵan Instagram-paraqshasynda Qazaqstan Prezıdenti Qasym-Jomart Toqaevtyń saparyna qatysty birneshe jazba jarıalady, - dep habarlaıdy Aqshamnews.kz tilshisi.
Túrkıa kóshbasshysy ekijaqty qatynastardyń strategıalyq sıpatyn atap ótip, elder arasyndaǵy baýyrlastyq baılanystardy nyǵaıtýǵa Toqaevtyń qosqan úlesin joǵary baǵalady.
Erdoǵan Toqaevtyń qyzmetke kirisken sátinen bastap Qazaqstannyń yntymaqtastyqty damytýǵa degen turaqty ustanymyn kórsetip kele jatqanyn málimdedi. Dostyq pen seriktestikti nyǵaıtýdaǵy qyzmeti úshin Toqaev eń joǵary túrik ordeni – Túrkıanyń Memlekettik ordenimen marapattaldy.
"Qazaqstan Prezıdenti, meniń qymbatty baýyrym Toqaev, alǵashqy kúnnen-aq Túrkıanyń jaqyn dosy ekenin naqty qadamdarymen dáleldep keledi", — dep jazdy Erdoǵan.
Erdoǵannyń aıtýynsha, Ankarada ótken kezdesýde taraptar qorǵanys, energetıka, logıstıka, ǵylym jáne terorızmge qarsy kúres máselelerin talqylap, ekijaqty 20 qujatqa qol qoıǵan.
Túrkıa Prezıdenti Qazaqstannyń Túrkıa azamattary úshin vızasyz bolý merzimin 90 kúnge uzartý sheshimin erekshe atap ótip, Toqaevqa alǵysyn bildirdi.
Eske salaıyq, Qazaqstan Prezıdenti 28 shildede resmı saparmen Ankaraǵa bardy. Toqaevty Túrkıa Prezıdentiniń ózi qarsy aldy.
Aıta keteıik, Erdoǵan sheteldik kóshbasshylardy áýejaıda sırek qarsy alady — ádette bul mindetti resmı ókilder atqarady. Mundaı erekshelik tek erekshe dostas memleketter basshylarynyń saparynda ǵana jasalady.