Almatyda 31 shildeden bastap Pýshkın kóshesiniń bir bóligi jabylyp, jaıaý júrginshiler aleıasyna aınalady, - dep habarlaıdy aqshamnews.kz.
Almaty qalasynyń Qoǵamdyq keńistikterdi damytý basqarmasy Raıymbek batyr dańǵylynan Gogol kóshesine deıingi Pýshkın kóshesi boıynda aýmaqty qaıta jańǵyrtý jobasynyń bastalǵany jóninde habarlaıdy.
2025 jyly 31 shildeden bastap qurylys-montaj jumystaryna baılanysty Pýshkın kóshesiniń shyǵys jaǵyndaǵy (Raıymbek batyr dańǵylynan Maqataev kóshesine deıin) kólik qozǵalysy ýaqytsha toqtatylady. Jańǵyrtý aıaqtalǵannan keıin bul bólik jaıaý júrginshilerge arnalǵan aleıaǵa aınalyp, kólik qozǵalysy úshin birjola jabylady.
Qurylys ýaqytynda kólik qozǵalysy Pýshkın kóshesiniń batys jaǵynda ońtústik baǵytta birjaqty tártipte uıymdastyrylady.
Bul shekteý sharalary Almaty qalasy Polısıa departamenti men Qalalyq mobıldilik basqarmasymen kelisilgen.