Mereke kúnderine qaramastan áıel-polısıa qyzmetkerleriniń qyzmeti ádettegideı jalǵasýda
8 naýryz – Halyqaralyq áıelder merekesi qarsańynda Polisia.kz redaksıasy qos ıyǵyna pogon taǵyp, erlermen qatar eli men jeriniń tynyshtyǵy úshin aıanbaı eńbek etip júrgen arýlar jaıly aqparat usynbaq. Tálimger, aǵa krımınalıs, kópbalaly ana – polısıa maıory Alfıa Rahymbaeva İİM Almaty akademıasyn 2005 jyly bitirip, Jetisý aýdandyq Polısıa basqarmasynyń jedel-krımınalıstıka bólimine qyzmetke keldi.
«Bizdiń negizgi qyzmetimiz – oqıǵa ornyn tekserý, qylmys izderin, qol izderin anyqtaý jáne bekitý. Óz basym daktılokospıalyq, sýyq zertteýmen aınalysamyn, sonymen qatar jas qyzmetkerlerge tálimgermin. Barlyq kishkentaı qyzdar sıaqty men de polısıa qyzmetkeri bolýdy, forma kıýdi armandadym, bul maǵan romantıka sıaqty kórindi. Men úshin jaqsy úlgi, bedeldi adam aǵam boldy. Ol da polısıa qyzmetkeri», – deıdi Alfıa Rahymbaeva.
Mereke kúnderine qaramastan áıel-polısıa qyzmetkerleriniń qyzmeti ádettegideı jalǵasýda. Olar er áriptesterimen birge qylmyskerdi ustaýǵa barady, qylmys bolǵan jerlerdi tekseredi.
«Men anamyn jáne áıelmin. Tórt balam bar. Biz – kópbalaly ata-anamyz. Meniń ómirimde otbasym men kúıeýimniń qoldaýy úlken ról atqarady. Árıne, jumysqa baılanysty qıyn sátter bolady. Úıde men anamyn. Meniń ómirimde eki ról bar: jumysta men aǵa krımınalıspin, úıde – aıaýly ana men áıelmin. Halyqaralyq áıelder kúni barsha áıelderge baqyt, densaýlyq, mahabbat pen amandyq tileımin. Ǵumyrlaryńyz uzaq bolsyn!», – dedi maıor Rahymbaeva.