Memleket basshysy Qasym-Jomart Toqaev Halyqaralyq áıelder kúnimen quttyqtady
Qymbatty hanymdar!
Sizderdi Halyqaralyq áıelder kúnimen shyn júrekten quttyqtaımyn!
Osynaý shýaqty kóktem merekesi ásemdik pen ádemiliktiń, meıirim men mahabbattyń sımvolyna aınaldy. Halqymyzdyń «Áıel bir qolymen besikti terbetse, bir qolymen álemdi terbetedi» degen naqyl sóziniń tereń mán-mańyzy bar.
Qazaqstanda áıelderge barlyq jaǵdaı jasalǵan. Olar bilim berý men densaýlyq saqtaý, mádenıet pen sport, óndiris pen quqyq qorǵaý jáne basqa da salalarda tabysty eńbek etýde.
Memlekettik organdar men iri kompanıalarda basshylyq qyzmet atqaratyn nemese bıznes salasynda kásibin órkendetip júrgen áıelderimiz az emes. Qyz-kelinshekter elimizdiń qoǵamdyq-saıası ómirine de belsene atsalysýda.
Óskeleń urpaqqa ónegeli tálim-tárbıe berý isinde áıelder aıryqsha ról atqarady. Asyl analardyń eńbegi qandaı qurmetke de laıyq.
Kez-kelgen iste áıelderdiń kásibı biliktiligi pen jaýapkershiligi aıqyn ańǵarylady. Olar barlyq ortada úndestik pen úılesimdi, ózara túsinistik pen tatýlyqty nyǵaıtýǵa uıytqy bolady.
Bizdiń elimiz saıası ózgerister men júıeli jańǵyrý kezeńine qadam basty. Osy oraıda, áıelder qaýymynyń jasampazdyq qasıeti men kúsh-qýaty Jańa Qazaqstannyń ilgerileýine septigin tıgizedi dep senemin.
Barshańyzǵa zor densaýlyq, baq-bereke tileımin!