«Meniń elim, meniń týym» patrıottyq aksıasyna atyraýlyqtar da ún qosty.
«Jastar rýhy» jastar qanatynyń belsendileri kópqabatty turǵyn úılerde kók baıraǵymyzdy jelbiretti, dep habarlaıdy Almaty-akshamy.kz 24.kz-ke silteme jasap.
Memlekettik rámizderge qurmet kórsetýge arnalǵan is-shara 25 qazan – Respýblıka kúnine deıin jalǵasady.
Búgin «Jastar rýhy» jastar qanatynyń belsendileri Almagúl yqsham aýdanyndaǵy kóp qabatty turǵyn úılerde Kók Týymyzdy jelbiretip, patrıottyq aksıaǵa ún qosty. Respýblıka kúnine oraı uıymdastyrylǵan is-sharaǵa 20-ǵa jýyq jas qatysty.
«Jastar rýhynyń» belsendileri jınalyp, Atyraý qalasynda ózimizdiń Týymyzdy nasıhattaýdy sheshtik. Bul týlardy ilý arqyly biz ózimizdiń jastarymyzdyń, jalpy halqymyzdyń patrıottyq sezimin oıatýǵa tyrysyp jatyrmyz. Aldaǵy ýaqytta barlyq qatysqysy keletin adamdardy shaqyramyn osy aksıaǵa qatysýǵa», - deıdi stýdent Rýbına Hanzada.
Bul aksıa erteń de jalǵasyn tabady. Jas belsendiler basqa da shaǵyn aýdandardy aralap, kópqabatty turǵyn úılerge kók Týymyzdy iledi. Bul – olardyń patrıottyq sezimi men Otanǵa degen mahabbatyn oıatady, deıdi uıymdastyrýshylar.
«Bul chellendjdiń negizgi maqsaty – elimizde turǵyndardyń, jastardyń arasynda kók Týdy nasıhattaý. Ózderińiz bilesizder, 25 qazan – Respýblıka kúni. Sol merekelik sharanyń aıasynda uıymdastyrylyp otyr. Búgin Atyraý oblystyq fılıalynyń jas belsendileri osy Almagúl yqsham aýdanynda kópqabatty úılerde kók Týymyzdy jelbiretý chellendjin qoldap jatyrmyz», - deıdi « Jastar rýhy» jastar qanaty oblystyq fılıalynyń tóraǵasy Abylaı Qurmet.
«Meniń elim, meniń týym» aksıasy aýdandarda da ótedi. Igi dástúrge aınalǵan aksıa qazir elimizdiń túkpir-túkpirinde ótip jatyr. 500-den astam jas bes myń Tý kóterýdi josparlaǵan.