Bul týraly Ulttyq testileý ortalyǵynyń dırektory Rýslan Emelbaev málimdedi.
UTO basshysy Safı Ótebaev atyndaǵy Atyraý munaı jáne gaz ýnıversıtetiniń bazasynda Atyraý qalasy mektepteriniń túlekterimen kezdesý ótkizip, Mendeleev (Hımıalyq elementterdiń perıodtyq júıesi) jáne tuzdar erigishtigi kestesiniń basyp shyǵarylǵan nusqasyn kórsetti, dep habarlaıdy Almaty-akshamy.kz E
«Barshańyzǵa málim, «Hımıa» pánin tapsyrýshylarǵa Mendeleev jáne tuzdar erigishtigi kestesi kompúterde beriledi. Alaıda túlekter onyń qaǵaz nusqasyn paıdalanýǵa ruqsat surady. Osyǵan deıin aıtqanymdaı, biz 2023 jylǵy UBT-da testilenýshilerdiń qalaýy boıynsha kestelerdiń qaǵaz nusqasyn berý týraly sheshim qabyldadyq», dep atap ótti Rýslan Emelbaev.
UTO dırektorynyń aıtýynsha, talapkerler kesteniń elektrondyq nemese qaǵaz formatyn da qoldana alady. Sondaı-aq ol talapkerlerge qaǵaz nusqasyn test ákimshileri UBT-nyń ózinde beretinin eskertti.
Esterińizge sala keteıik, testileý kezinde barlyq talapker úshin kompúter ekranynda «Matematıkalyq saýattylyq», «Matematıka», «Informatıka», «Fızıka», «Hımıa» jáne «Geografıa» pánderi boıynsha esepterdi sheshý úshin kálkýlátor qoljetimdi bolady.