Almatyda pedagogıkalyq eńbek ardagerleri Shahımardan Ábilovtyń oryndaýyndaǵy monooperany tamashalady
Almatyda Qazaqstannyń halyq ártisi Shahımardan Ábilov eńbek sińirgen pedagog-ardagerlerge arnalǵan shyǵarmashylyq keshte óner kórsetti, dep habarlaıdy aqshamnews.kz
Almatyda Abaı atyndaǵy Qazaq ulttyq opera jáne balet teatrynyń sahnasynda Halyq ártisi, Qazaqstannyń eńbek sińirgen qaıratkeri, Qazaqstan Respýblıkasy Memlekettik syılyǵynyń laýreaty, profesor Shahımardan Ábilovtyń shyǵarmashylyq keshi ótti. Muǵalimder kúnine oraılastyrylǵan is-sharany Almaty qalasynyń ákimdigi uıymdastyrdy.
Shahımardan Ábilov joǵary óner súıer qaýymdy «Tolyq adam, oı tolǵaý, hakim Abaı» monooperasyn oryndap, tánti etti. Tanymal oryndaýshyny tyńdaýǵa eńbek sińirgen pedagogıkalyq eńbek ardagerleri men kórneki ártister keldi.
«Tolyq adam, oı tolǵaý, haqim Abaı» monooperasy - Abaı Qunanbaevtyń máńgilik óleńderi men fılosofıalyq eńbekterine negizdelgen tereń ári jandy mýzykalyq shyǵarma. Monooperanyń árbir nómiri - Abaıdyń fılosofıalyq murasyndaǵy jeke taraý, onda mýzyka men daýys arqyly adamnyń álemdegi orny, bilimniń, danalyqtyń jáne rýhanı tazalyqtyń mańyzdylyǵy týral syr shetriledi.
«Men óz shyǵarmashylyǵymdy óskeleń urpaqqa arnaımyn, óıtkeni olar - bizdiń bolashaǵymyz. Eger balalar Uly Abaıdyń shyǵarmashylyǵyn shynymen túsinip, súıse, ózimdi baqytty sezinemin», - dedi Shahımardan Ábilov.
Ártistiń shyǵarmashylyǵy Qazaqstannan tys jerlerde de belgili. Ol Parıjdegi Pleıel zaly, Vınchenso, Berlın, Tel-Avıv, Chaıkovskıı atyndaǵy Máskeý konservatorıasynyń kishi zaly sıaqty álemdegi eń bedeldi sahnalarda óner kórsetti. Onyń Londondaǵy Barbican konsert zalynda koróldik kameralyq orkestrmen óner kórsetýi keńinen tanymal boldy.