Tasqyn sý ortasynan Memlekettik týdy alyp shyqqan Esimjan Nádirov Maqtaaral aýdandyq polısıa bóliminiń bastyǵy bolyp taǵaıyndaldy, dep habarlaıdy Almaty-akshamy.kz QazAqparat-qa silteme jasap.
Ótken jyldyń jeltoqsan aıynda Maqtaaral aýdanynda sý tasqyny bolyp, polısıa maıory Esimjan Nádirov sýyq sýdy belýardan keship, Memlekettik týdy asa uqyptylyqpen tasqyn ortasynan alyp shyqqan bolatyn. Bul kórinis vıdeosy áleýmettik jelide keńinen tarap, kópshilikti tánti etken edi.
Polısıa maıory Esimjan Úsenbekuly Nádirov ishki ister organdarynda 2007 jyldan beri qyzmet etip keledi. Bilimi joǵary, zańger. 2011 jyly QR İİM Almaty Akademıasyn bitirgen.
Eńbek jolyn Shymkent qalasy Ál-Farabı aýdandyq polısıa basqarmasynda tergeýshisi bolyp bastaǵan. Keıingi jyldary Maqtaaral aýdanynda tergeýshi, aǵa tergeýshi, anyqtaý bóliminiń bastyǵy, kóshi-qon polısıasy bóliminiń bastyǵy qyzmetterin atqardy.
2019 jyldan beri Jetisaı aýdany polısıa bólimi bastyǵynyń birinshi orynbasary boldy.
Memlekettik týdy tasqyndy sýdan alyp shyqqan polıseıdiń laýazymy ósti
- Avtor Almaty-akshamy
- 16:32, 19 tamyz 2022
Sýret: Inform.kz