Elordanyń eń úlken týy jylyna 3 ret aýystyrylady, dep habarlaıdy Almaty-akshamy.kz.
24.kz málimeti boıynsha, baıraq Atameken etno-memorıaldyq kesheniniń aýmaǵynda ornalasqan. Onyń kólemi – 450 sharshy metr. Memlekettik rámiz munda 14 jyl buryn qoıylǵan. Ony Astananyń kez kelgen jerinen kórýge bolady. Al endi osy eldiń eń úlken sımvolynyń kútimi qandaı? Bul kók baıraqtyń salmaǵy 90 kelideı. Mamandardyń aıtýynsha, jalaýdyń ár buryshy ábden ólshenip, barlyq talap qatań saqtalǵan. Tý jaqyn kúnderi elorda aspanynda jelbireıdi. Erlan Satjanov birneshe jyldan beri memlekettik rámizderdiń kútimimen aınalysady. Osy jyldar ishinde ol bul istiń qyr-syryn bilip, ozyq ádisterin meńgergen.
- Týdyń matasy 100% polıefırnoı mata deıdi. Ólshemi – 15h30. Bizde arnaıy apparat bar, mórmen basyp shyǵarylady. Sol mataǵa bastyrylyp, bizdiń sehta tigiledi, deıdi kútim jasaý kompanıasynyń dırektory Erlan Satjanov.
Saryarqanyń aýa raıy turaqsyz bolǵandyqtan, Týdy kútip ustaýdyń da óz mashaqaty bar. Ony syrtynan kún qurǵatpaı únemi baqylap otyrý qajet. Sınoptıkterdiń de boljamyna jıi qulaq asý kerek. Jeldi kúnderi týdy tuǵyrynan tómen túsirýge týra keledi.
- Sınoptıkterden qarap otyramyz jeldiń baǵytyn. Jeldiń baǵyty kóterile bastaǵanda, biz ony úsiremiz. Sosyn jaýyn-shashynda túsiremiz. Sebebi mata óte aýyr, jyrtylyp qalady. Jyrtylyp qalǵan jaǵdaıda qalpyna keltirýge jiberemiz. Tý árqashan kóterelip turady, túsirmeýge tyrysamyz. Tabıǵa jel-jaýyn shashyn bolyp ketpese, -deıdi kútim jasaý kompanıasynyń dırektory Erlan Satjanov.
Qazir mekeme qyzmetkerleri memlekettik rámizder kúnine qyzý daıyndyqty bastap ketti. Erteń dástúr boıynsha Astananyń basty Týy 111 metr joǵaryǵa kóterilip, merekelik estafeta eldiń basqa qalalaryna joldanady.