19 mınıstrdiń 2-i memlekettik tildi bilmeıdi eken.
Al 7-i aǵylshyn tilin meńgermegen, dep habarlaıdy Almaty-akshamy.kz Ranking.kz-ke silteme jasap.
Qazir Qazaqstanda 19 mınıstrlik bar. Ranking.kz zertteý júrgizip, til meńgerý deńgeıi boıynsha Qazaqstan mınıstrleriniń reıtıńin jasady.
Bıyl bul tizimde Ǵylym jáne joǵary bilim mınıstri Saıasat Nurbek kósh bastady. Mınıstr jeti tilde – qazaq, orys, aǵylshyn, ıtalán, túrik, japon jáne latyn tilderinde sóıleıdi.
Ekinshi oryndy Syrtqy ister mınıstri Muhtar Tileýberdi men Ulttyq ekonomıka mınıstri Álibek Qýantyrov ıelendi: árqaısysy bes til biledi.
Úzdik úshtikti QR Aqparat jáne áleýmettik damý mınıstri Darhan Qydyráli, Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın jáne Eńbek jáne halyqty áleýmettik qorǵaý mınıstri Tamara Dúısenova qorytyndylady: árqaısysy tórt tilde sóıleıdi.
Aıta ketetini, Eńbek jáne halyqty áleýmettik qorǵaý mınıstri Tamara Dúısenova tórt tildi meńgergenimen, olardyń arasynda qazaq tili joq.
Tótenshe jaǵdaılar mınıstri Iýrıı Ilın de memlekettik tildi bilmeıdi.
Qazaqstandyq 19 mınıstrdiń 12-si aǵylshyn tilin meńgergen. Jalpy, elimizde bul tildi meńgerý deńgeıi óte tómen.
Máselen, EF EPI 2021 reıtıńinde Qazaqstan tizimniń sońynda derlik tur. Álemdegi 112 eldiń ishinde 96-shy orynda. Osylaısha Qazaqstan aǵylshyn tilin óte tómen deńgeıde meńgergen elder qataryna jatqyzyldy. Indeks 426 boldy.