Merıtokratıa qaǵıdattarynan eshkim bas tartqan joq. Bul týraly Qazaqstan halqyna Joldaýyn jarıalaý kezinde Memleket basshysy Qasym-Jomart Toqaev aıtty.
«Memlekettik qyzmetshilerdiń biliktiligin arttyrý máselesi áli de ózekti. Úmitkerdi kyzmetke taǵaıyndaǵan kezde onyń kásibı jáne moraldyq qasıetterin muqıat eskergen jón. Burynǵy jumysyn qalaı atqarǵany da qaperde bolýy kerek. Merıtokratıa qaǵıdattarynan eshkim bas tartqan joq. Bul baǵyttaǵy jumystyń aıaq alysy jaman emes», - dedi Qasym-Jomart Toqaev.
Osy oraıda Prezıdent qazir memlekettik organdardyń bári kadr jónindegi biryńǵaı aqparattyq júıege kóshkenin eske saldy.
«Endi Úkimet pen Memlekettik qyzmet isteri agenttigi búdjetten qarjylandyrylatyn mekemelerdiń kadr máselesine qatysty jumysyn tolyq avtomattandyrýy kerek», - dedi Memleket basshysy.