Eldegi ekinshi deńgeıli bankter Qarjy mınıstrliginiń kiris komıtetine memlekettik qyzmetkerlerdiń jubaılarynyń mobıldi aýdarymdary jaıly málimet bere bastady.
Aqparat bankterden kezeń-kezeńmen beriledi, dep habarlaıdy almaty-akshamy.kz.
1) 2023 jylǵy 1 qańtardan bastap – memlekettik qyzmetshiler, olarǵa teńestirilgen adamdar jáne olardyń jubaılary boıynsha (2022 jyldyń qorytyndysy boıynsha);
2) 2024 jylǵy 1 qańtardan bastap – memlekettik mekemelerdiń, kvazımemlekettik sektor sýbektileriniń qyzmetkerleri jáne olardyń jubaılary boıynsha (2023 jyldyń qorytyndysy boıynsha);
3) 2025 jylǵy 1 qańtardan bastap – dara kásipkerler, zańdy tulǵalardyń basshylary jáne olardyń jubaılary boıynsha (2024 jyldyń qorytyndysy boıynsha);
4) 2026 jylǵy 1 qańtardan bastap – halyqtyń qalǵan bóligi boıynsha (2025 jyldyń qorytyndysy boıynsha).
Búgingi tańda aqparat tek memlekettik qyzmetshiler, olarǵa teńestirilgen adamdar jáne olardyń jubaılary boıynsha alyndy.
Bul rette jeke tulǵalar ózderiniń jeke maqsattary úshin mobıldi aýdarymdar jasaı jáne qabyldaı alady (týystaryna, dostaryna aýdarymdar, ata-analar men balalarǵa kómek, sondaı-aq basqa da ómirlik jaǵdaılar boıynsha).