Memlekettik mekeme ǵımaratynan analarǵa arnalǵan jeke bólme ashý kerek.
Bala kútimi boıynsha eńbek demalysynan jumysqa erte shyqqan kelinshekter, osyndaı qoldaýǵa zárý. Mundaı usynysty memlekettik qyzmet isteri agenttigi janyndaǵy qoǵamdyq keńes tóraıymy usyndy, dep habarlaıdy Almaty-akshamy.kz 24.kz-ke silteme jasap.
Bıbigúl Nurasheva bul bastamasyn, memlekettik qyzmet júıesindegi áıelderdiń rólin talqylaýǵa arnalǵan alańda aıtty. Eńbek kodeksine engizilgen tolyqtyrýlarǵa sáıkes, balasy kóp memlekettik qyzmetshilerge qashyqtan jumys isteý múmkindigi berilgen. Alaıda, bul týraly, ekiniń biri, bile bermeıdi. Búginde 83 myńnan astam memlekettik qyzmetkerdiń 46 myńnan astamy - áıel. Al basshylyq laýazymdaǵy názik jandylardyń úlesi 40 %-ǵa jýyqtaıdy. Bıbigúl Nurashevanyń aıtýynysha, memlekettik qyzmettegi áıelderdiń qun-daqtaǵy sábıin emizýge jarty saǵat, eger 2-3 balasy bolsa, bir saǵatqa deıin úzilis alýǵa quqy bar. Tek eńbek zańnamasynda burynnan bar normany iske asyrý úshin arnaýly bólmeler qarastyrylmaǵan.
«Iaǵnı mysaly bala erteń ájesimen, ákesimen, atasymen, mysaly týystarymen qalatyn bolsa, al anasy jumysta bolsa, ol kisiler alyp kelip, nemese sol jerde balanyń tárbıeshisimen sol jerde otyryp, ár úsh saǵat saıyn ana kelip óziniń balasyn emizýge múmkindigi bolý kerek dep men esepteımin. Sebebi zańda norma bar, endi sony júzege asyrý úshin jaǵdaı jasaý kerek», - Memlekettik qyzmet isteri agenttigi janyndaǵy qoǵamdyq keńes tóraǵasy Bıbigúl Nurasheva.