Olarǵa 3,8 mlrd teńge tólendi.
Qazaqstanda istegen jumysynyń aqysyn ala almaı júrgen azamattardyń quqyǵy qorǵaldy. Memlekettik eńbek ınspektorlary bereshegi bar kompanıalardy anyqtady, dep habarlaıdy Almaty-akshamy.kz.
«Aǵymdaǵy jylǵy 1 tamyzdaǵy jaǵdaı boıynsha, memlekettik eńbek ınspektorlary respýblıkanyń 632 kásipornynda 17,7 myń jumyskerdiń aldynda 3,9 mlrd teńgeden astam jalaqy boıynsha bereshekti anyqtady.Osy kásiporyndardyń basshylaryna oryndalýy mindetti 675 nusqama berilip, 77,4 mln teńgeden astam somaǵa aıyppul salyndy»,– delingen Eńbek jáne halyqty áleýmettik qorǵaý mınıstrliginiń baspasóz qyzmetiniń habarlamasynda.
Mamandardyń aıtýynsha, qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 16,9 myńnan astam jumyskerdiń quqyqtary qorǵaldy. Olarǵa 3,8 mlrd teńge tólendi.