QR Memlekettik hatshysy Erlan Qarın Ekinshi dúnıejúzilik soǵys qaharmany Mánshúk Mámetovanyń eskertkishine gúl qoıý rásimine qatysty, dep habarlaıdy Almaty-akshamy.kz Inform.kz-ke silteme jasap.
Jeńis kúnine oraı elordadaǵy Jeńis dańǵylynyń boıyndaǵy «Aqjaıyq» saıabaǵynda saltanatty shara ótti. Jınalǵan qaýym qarǵaldaqtaı qysqa ǵana ǵumyrynda keıingi urpaqqa uran bolatyndaı erlik jasaı bilgen Mánshúk Mámetovanyń eskertkishine gúl qoıyp, soǵys qurbandaryn bir mınýt únsizdikpen eske aldy.
Ekinshi dúnıejúzilik soǵys qazaq tarıhyna Mánshúk Mámetova, Álıa Moldaǵulova, Hıýaz Dospanova sıaqty aıaýly esimderdi qaldyrdy. Hıýaz Dospanova qarsy jaqqa áýeden qyrǵıdaı tıse, Álıa Moldaǵulova mergendigimen jaýdyń záresin aldy. Al Mánshúk Mámetova pýlemetshi retinde tarıhta qaldy.
Resmı tarıh Mánshúk Mámetovanyń 21 jasynda Nevel qalasy úshin shaıqasta erlikpen qaza tapqanyn aıtady. Urystaǵy mańyzdy núkteni jaý qolyna bermeý úshin basyna snarád jaryqshaǵy tıgenine qaramastan, sońǵy demi shyqqansha aıqasyp, qarsy taraptyń 70 sarbazyn jer jastandandyrǵany tarıhqa qattalǵan. Búgingi sharada qazaqtyń batyr qyzynyń sol erligi ulyqtaldy.