Bilim jáne ǵylym mınıstrligi grant taǵaıyndaý konkýrsyna qatysý úshin qujat qabyldaý 25 shildede aıaqtalady dep josparlaǵan bolatyn. Alaıda 25 shilde jeksenbige sáıkes kelgendikten, qujat qabyldaýdy taǵy bir kúnge sozýǵa sheshim qabyldady, dep habarlaıdy almaty-akshamy.kz
«Talapkerlerden qujat qabyldaý merzimin uzartý týraly ótinishter kelip tústi. Óıtkeni qujat tapsyrýdyń sońǵy kúni jeksenbige keledi. Osyǵan baılanysty BǴM qujat qabyldaýdy taǵy bir kúnge – 26 shildege deıin uzartý týraly sheshim qabyldady. Qujattar joǵary oqý oryndarynyń vırtýaldy qabyldaý komısıalary arqyly qabyldanatynyna nazar aýdarýlaryńyzdy suraımyz», - delingen habarlamada.
Talapkerlerdiń densaýlyǵyn qorǵaý maqsatynda elimizdiń barlyq joǵary oqý oryndarynda vırtýaldy qabyldaý komısıalary jumys isteıdi. Olardyń kómegimen konkýrsqa qatysý úshin qujattardy onlaın formatta tapsyrýǵa bolady.
Vırtýaldy qabyldaý komısıalarynyń tizimimen http://testcenter.kz saıtynan tanysa alasyzdar.