Almatyda krımınaldyq polısıa qyzmetkerleri qala aýmaǵynda páter tonaýmen aınalysqan adamdar tobynyń qylmystyq áreketin áshkereledi, - dep habarlaıdy aqshamnews.kz.
Tergeý málimetinshe, top músheleri aldyn ala kelisip, júıeli túrde áreket etip, turǵyn úılerge zańsyz kirip, azamattardyń baǵaly zattary men múlkin urlaǵan.
- Qolǵa túsirý jáne odan keıingi tergeý áreketteri barysynda kúdiktilerdiń qylmystyq áreketterge qatysy bar ekenin dáleldeıtin zattaı aıǵaqtar tárkilendi. Urlanǵan múliktiń bir bóligi zańdy ıelerine qaıtaryldy, - dep habarlady polısıa.
Qazirgi tańda qylmystyq árekettiń birneshe deregi anyqtaldy. Ustalǵandardyń Almaty aýmaǵynda jasalǵan basqa da osyǵan uqsas qylmystarǵa qatysy bary tekserilip jatyr.
Atalǵan faktiler boıynsha sotqa deıingi tergep-tekserý jumystary bastaldy. Qajetti tergeý jáne jedel is-sharalary júrgizilip jatyr.
- Múliktik qylmystardyń aldyn alý jáne jolyn kesý baǵytyndaǵy jumys polısıanyń turaqty baqylaýynda, - delingen polısıa taratqan habarlamada.