Memlekettik BAQ quraldarynda eńbek etetin qyzmetkerlerdiń aılyǵy ósedi. Aqparat jáne qoǵamdyq damý vıse-mınıstri Qanat Ysqaqov aıtty, dep habarlaıdy Almaty-akshamy.kz.
«Memlekettik BAQ quralynda jumys isteıtin jýrnalıserdiń 2023 jyly, 2024 jáne 2025 jyldary jalaqysy kóbeıedi. Bıyl 30 paıyzǵa, kelesi jyly da 30 paıyzǵa, al 2025 jyly 20 paıyzǵa artpaq. Atalǵan másele búginde sheshildi, ol úshin qarajat bar», - dedi Qanat Ysqaqov Májiliste «Mass-medıa» týraly zań jobasyn talqylaý barysynda.
Sondaı-aq, vıse-mınıstr óńirlik baspasóz quraldarynyń búgingi jaǵdaıyna toqtalyp ótti, dep jazdy QazAqparat.
«Jańa zań jobasynda óńirlik BAQ arnalǵan grant qarastyrylǵan. Ol qaıtarymsyz ári qarjy túrinde beriledi. Maqsat – óńirlik baspasóz quraldaryn damytý. Sonymen qatar búginde Ulttyq ekonomıka mınıstrligimen birge BAQ úshin qosylǵan qun salyǵyn alyp tastaý jaǵyn qarastyryp jatyrmyz. Iaǵnı BAQ qosylǵan qun salyǵynan bosatylady», - deıdi ol.