QR Eńbek jáne halyqty áleýmettik qorǵaý mınıstri Svetlana Jaqypova ujymǵa «Memlekettik áleýmettik saqtandyrý qory» AQ bas dırektory bolyp taǵaıyndalǵan Arǵynǵazınov Aıbol Arǵynǵazyulyn tanystyrdy, dep habarlaıdy almaty-akshamy.kz
Arǵynǵazınov Aıbol Arǵynǵazyuly Jetisý oblysynda dúnıege kelgen. Prezıdenttik jastar kadrlyq rezerviniń múshesi.
L.N. Gýmılev atyndaǵy Eýrazıa ulttyq ýnıversıtetiniń ekonomıka fakúltetin, «Joǵarǵy ekonomıka mektebi» Ulttyq zertteý ýnıversıtetiniń (Máskeý q.) ekonomıka ǵylymdary fakúltetin támamdaǵan.
Eńbek jolyn QR Ulttyq ekonomıka mınıstrliginde sarapshy bolyp bastaǵan, ár jyldary «Qazkontent» AQ bólim basshysy, «Ekonomıkalyq zertteýler ınstıtýty» AQ Taldaý jáne álemdik ekonomıka ortalyǵynyń dırektory, QR Ulttyq ekonomıka mınıstriniń keńesshisi, QR Prezıdenti Ákimshiligi Basshysy Hatshylyǵynyń sektor meńgerýshisi bolǵan.
2022 jyldan QR Qarjy mınıstrligi Búdjettik kredıtteý, Qazaqstan Respýblıkasynyń Ulttyq qory jáne qarjy sektory máseleleri boıynsha ózara is-qımyl departamentiniń dırektory bolyp eńbek etti.