Resmı málimetke sáıkes, memleketke 3,84 mln. gektar jer qaıtaryldy.
Jyldyń sońyna deıin taǵy 1,16 mln gektardy qaıtarý jumysy aıaqtalady, dep habarlaıdy Almaty-akshamy.kz
Aýyl sharýashylyǵy mınıstri Erbol Qarashókeev memleketke qaıtarylǵan aýyl sharýashylyǵy jerlerin taratý tártibin túsindirdi.
«Negizi, osy jerlerdiń 90 paıyzy – jaıylymdar, qalǵany – egistik. Qazir barlyǵy memleket menshigine rásimdeldi. Endi, zań boıynsha jergilikti bılik - ákimdikter ony taratýdy bastaıdy. Árıne, jaıylym jerleri jetispeı turǵan sharýalarǵa basymdyq beriledi», - dedi Qarashókeev ortalyq komýnıkasıalar qyzmetinde ótken brıfıńte.
Mınıstrdiń sózine qaraǵanda, búginde respýblıka boıynsha jaıylym jerlerine degen qajettilik 15 mıllıon gektardy qurap otyr.
Jalpy, 2023 jyldyń sońyna deıin paıdalanylmaıtyn jáne zańsyz berilgen 10 mln. gektar aýyl sharýashylyǵy jerleri boıynsha naqty sheshimder qabyldanady degen jospar bar. Alaıda osy jumysty oryndaý úshin qosymsha 200 maman qajet.
Alaıda tekseristen keıin jerdi paıdalanýǵa kirisetin sharýalar da bar. Máselen, tıisti sharalar qabyldanǵannan keıin 1,3 mln gektar aýyl sharýashylyǵy jerleri ıgerile bastady.