Aktıvterdi qaıtarý jónindegi jumys sheńberinde arnaýly memlekettik qor búginde 177 mlrd teńgeden astam aqshalaı qarajatpen tolyqtyryldy, dep habarlaıdy aqshamnews.kz.
Tizilim sýbektilerimen jasalǵan kelisimderdiń nátıjeleri boıynsha shamamen 147 mlrd teńge, prosestik kelisimderi boıynsha 19 mlrd teńge, aktıvterdi ótkizýden 6 mlrd teńgeden astam, sottardyń sheshimderi boıynsha shamamen 5 mlrd teńge jáne jyljymaıtyn múlikti jalǵaberýden 165 mln teńgeden astam qarajat tústi.
Ótkizilgen aktıvterdiń ishinde eki vılla, ákimshilik ǵımarat, turǵyn úı, páter, jer ýchaskesijáne eki sándi avtokólik bar. Aktıvterdi tabysty ótkizýdiń bir mysaly bolyp Almaty qalasyndaǵy jer ýchaskesi tabylady, ol «Zańsyz ıemdenilgen aktıvterdi memleketke qaıtarý týraly» Zań sýbektisinen 176 mln teńge baǵamen qabyldanyp, 657 mln teńgege, ıaǵnı bastapqy baǵalaý qunynan tórt ese artyq satylǵan. Sonymen qatar, tizilim sýbektilerimen kelisimder boıynsha arnaýly memlekettik qordy 150 mlrd teńgeden astam somaǵa aqshalaı qarajatpen qosymsha tolyqtyrý kútilýde. Barlyq qaıtarylǵan aqsha qarajaty eldiń áleýmettik jáne ekonomıkalyq jobalaryn iske asyrý úshin paıdalanylatyn bolady.