Baılanys operatorlary shyǵyndardy ala otyryp, tarıfterdi derbes belgileıdi.
Mınıstr uıaly baılanys tarıfiniń baǵasy rettelmeıtinin málimdedi, dep habarlaıdy Almaty-akshamy.kz
Bul týraly Sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev aıtty.
«Kásipkerlik kodekske sáıkes 2017 jyldan beri baılanys operatorlary kórsetetin qyzmettiń baǵasy rettelmeıdi. Baılanys operatorlary shyǵyndardy ala otyryp, tarıfterdi derbes belgileıdi. Baılanys operatorlary baǵa kelisimin nemese baǵany negizsiz kótergen jaǵdaıda básekelestikti qorǵaý agenttiginiń quzyretine jatady.
Endi biz mınıstrlik retinde baǵany retteý qajetsiz dep sanaımyz. Sebebi, salada ınvestısıa tartý tómendeıdi dep oılaımyz. Mınıstrlik salaǵa ınvestısıa tartý úshin qazir baılanys operatorlarymen jumys isteıdi. Mysaly, jaqynda biz Beeline kompanıasymen bes jyl ishinde 1 mlrd ınvestısıa salý jóninde memorandýmǵa qol qoıdyq. Basqa baılanys operatorlarymen de osyndaı jumys istelip jatyr.
Operatorlardyń kórsetetin qyzmet sapasyn biz de baqylaýda ustaımyz. «Aq daqtardy» anyqtaımyz, aıyppul salamyz.
Ózińiz bilesiz, (baılanys operatorlaryna salynatyn) aıyppuldy 10 ese kóterdik: 100 AEK-ten 1000 AEK-ke deıin», - dedi mınıstr.