Búgin COVID-19 taralýyna jol bermeý jónindegi VAK otyrysynda Premer-Mınıstrdiń orynbasary Eraly Toǵjanov osylaı dedi.
Búgin Premer-Mınıstrdiń orynbasary Eraly Toǵjanov ASHYQ jobasyna belsendi qatysatyn bıznes-qoǵamdastyq ókilderimen onlaın-kezdesý ótkizdi, dep habarlaıdy Almaty-akshamy.kz
Bul joba Memleket basshysynyń tapsyrmasy boıynsha iske asyryldy jáne búgingi tańda óziniń tıimdiligin kórsetti.
COVID-19 taralýyna jol bermeý jónindegi VAK telegram kanalynyń habarlaýynsha, keńeske memlekettik organdardyń basshylary, barlyq óńirlerdiń ákimdikteri, «Atameken» Ulttyq kásipkerler palatasy jáne ASHYQ jobasynyń kóshbasshylary qatysty.
Vıse-premer elimizdegi epıdemıologıalyq jaǵdaı óte kúrdeli ekenin, 16 óńir «qyzyl aımaqta» turǵanyn atap ótti. Elimizdiń emdeý stasıonarlaryndaǵy tósek-oryndardyń tolymdylyǵy 54%-ke jetti. Densaýlyq saqtaý júıesi ótken jylmen salystyrǵanda eki ese artyq júktememen jumys jasaýda. Koronavırýstyq ınfeksıany taratpaý jónindegi jaǵdaıdy basqarý, kásipkerler tarapynan eldegi kúrdeli jaǵdaıǵa túsinistikpen qaraýy jáne járdemdesýi pandemıamen kúreste óte mańyzdy faktor bolyp tabylady.
ASHYQ júıesi aıasyndaǵy jumys áleýmettik-ekonomıkalyq nysandardaǵy sanıtarıalyq-epıdemıologıalyq jaǵdaıdy baqylaýǵa alyp qana qoımaı, bıznestiń fýnksıonalyn joǵaltpaýǵa, jumys oryndaryn saqtaýǵa múmkindik berdi. Bıznes ókilderi óz tarapynan karantın jaǵdaıynda jumys isteýge múmkindik bergeni úshin alǵystaryn bildirip, ózderine alǵan barlyq mindettemelerdi odan ári saqtaýdy jalǵastyratyndyǵyn jáne áriptesterin de osyǵan shaqyratyndaryn jetkizdi.
«Atameken» UKP Basqarma Tóraǵasy Abylaı Myrzahmetov óz sózinde: «Biz ekonomıkanyń damýyn, sondaı-aq 2 mln-nan astam adam jumys jasaıtyn qyzmet kórsetý sektoryndaǵy shaǵyn jáne orta bıznestiń jumysyn toqtatpaý úshin árqashan kásipkerlerdiń adal jumysyn ustanamyz. Memlekettiń senimdi ári jaýapkershilikti bızneske qoldaý bildirgenine rızamyz»,- dedi.
Sondaı-aq, kásipkerler eki aptanyń monıtorıńi boıynsha 2-9 tamyz aralyǵynda úzdik kórsetkishterge ıe bolǵan júıe kóshbasshylaryna demalys kúnderi jumys isteýge múmkindik berýdi qarastyrý týraly bastama kóterdi. Budan bólek, ASHYQ jobasy kóshbasshylarynyń qoǵamdyq qozǵalysyn qurý týraly sheshim qabyldandy.
Eraly Toǵjanov memleket SHOB jaýapty nysandarynyń jumysy úshin barlyq jaǵdaıdy jasaıtynyn aıtty. Tabys tabý men azamattardyń densaýlyǵyn qorǵaý arasyndaǵy tepe-teńdikti tabý qajettiligine shaqyrdy. Sondaı-aq, ol qalypty ómir tirlishiligine qaıta oralýdyń jalǵyz joly-vaksınasıa ekenin jáne ujymdyq ımýnıtetti qalyptastyrý úshin ımmýnızasıanyń mańyzdylyǵy týraly keń aqparattyq saıasat júrgizý kerektigin atap ótti.
Kezdesýdi qorytyndylaı kele, Premer-Mınıstrdiń orynbasary jaýapty memlekettik organdar men ákimdikterge «Atameken» UKP-men birlesip, barlyq aıtylǵan bastamalardy pysyqtaýdy jáne qajet bolǵan jaǵdaıda koronavırýstyq ınfeksıaǵa jol bermeý jónindegi VAK otyrysyna kelisilgen usynystar engizýdi tapsyrdy.