Komıtet pen onyń aýmaqtyq organdarynyń prokýrorlary 426 zańsyz tekserýlerdiń jolyn kesti
Bıylǵy 9 aıdyń qorytyndysy boıynsha elimizde aıyppuldardy óndirip alý kórsetkishi 72%-dy qurady, al memleket búdjetine aıyppul tóleýden túsken qarjy kólemi 78 mlrd teńgeden asady.
Bul týraly QR Bas prokýratýrsyanyń Quqyqtyq statısıka jáne arnaıy esepke alý jónindegi komıtetiniń 9 aıyndaǵy atqarǵan jumystaryn qorytyndylaǵan atalǵan komıtet tóraǵasy Sábıt Nurlybaı jedel keńeste málim etti, dep habarlaıdy Almaty-akshamy.kz.
Ol keltirgen derekterge qaraǵanda, qazirgi tańda qylmystyq isterdiń 90% - dan astamy elektrondyq formatta tergelýde.
Elektrondyq formatta resimdeletin ákimshilik hattamalar men nusqamalardyń sany 6 mln-nan astam nemese jalpy sanynyń shamamen 90%-yn qurady.
Tekserýlerdi esepke alý salasynda Komıtet pen onyń aýmaqtyq organdarynyń prokýrorlary 426 zańsyz tekserýlerdiń jolyn kesti, al moratorııge baılanysty kásipkerlik sýbektilerine júrgiziletin tekserýler 80% - ǵa tómendegen.
Memleket basshysynyń bıylǵy 19 mamyrdaǵy otandyq bıznes ókilderimen ótken keńestiń qorytyndysy boıynsha bergen tapsyrmasyn oryndaý aıasynda Komıtet «Atameken» UKP jáne múddeli memlekettik organdarmen birlesip, kásipkerlikpen baılanysty qylmystyq quqyq buzýshylyqtardy esepke alý jumystaryn júzege asyrýda.
Atalǵan fýnksıonal osy salada bastalǵan sotqa deıingi barlyq tergeýlerdi qadaǵalaýǵa jáne baqylaýǵa múmkindik beredi. Sonymen qatar, memlekettik organdarmen birlesip «taza paraqtan retteý» jańa saıasatyn engizý, bızneske qoıylatyn artyq talaptardy qysqartý jáne memlekettik baqylaýdy avtomattandyrý boıynsha belsendi jumys júrgizilýde.