Memleket basshysynyń bastamalary birtindep oryndalyp jatyr. Qasym-Jomart Toqaevtyń saılaý aldyndaǵy baǵdarlamasynda aıtylǵan negizgi bastamanyń biri – «Ulttyq qor – balalarǵa» jobasy is júzinde júzege asyrylyp, balalarymyzdyń esep-shotyna Ulttyq qordan tólemder túse bastady.
Qarajattyń tólený tásilderi týraly Úkimet pen Biryńǵaı jınaqtaýshy zeınetaqy qorynyń ókilderi egjeı-tegjeı túsindirdi. Aldaǵy ýaqytta ból tólem Ulttyq qor aktıvteriniń eselenýine jáne qosymsha ınvestısıalyq tabystyń artýyna baılanysty ulǵaıatyn bolady.
Sondaı-aq Májilis keshe áıelderdiń quqyqtaryn jáne balalardyń qaýipsizdigin qamtamasyz etý máseleleri jónindegi zań jobasyn jumysqa qabyldady.
Bul qujatty depýtattar turmystyq zorlyq-zombylyq jáne pedofılıa úshin jaýapkershilikti kúsheıtý týraly Memleket basshysynyń bastamasyna sáıkes ázirlegen bolatyn.