Aldaǵy referendýmǵa jaýapkershilikpen qaraý óte mańyzdy
Bul ortaq pikirge «Qamqor» áleýmettik turǵyn úı» qyzmetkerleri konstıtýsıalyq reformany túsindirý kezdesýinde keldi. AMANAT partıasynyń respýblıkalyq shtabynyń múshesi, Májilis depýtaty Bekqalı Torǵaev jáne Almaty qalalyq partıa shtabynyń jetekshisi Meıirjan Otynshıev qala turǵyndarynyń nazaryn «Jańa Qazaqstannyń» basty baǵyttaryna, onyń ishinde teńdik pen ádildikke aýdardy.
Túsindirý barysynda májilismen Bekqalı Torǵaev daýys berý erejelerine jeke toqtaldy. Máselen, aldaǵy 2022 jylǵy 5 maýsymdaǵy respýblıkalyq referendýmda daýys berýge arnalǵan búletende bir ǵana suraqqa jaýaptyń eki nusqasy bolady: Siz Qazaqstan Respýblıkasynyń Konstıtýsıasyna ózgerister men tolyqtyrýlardy qabyldaısyz ba? «Iá» - qabyldaımyn, «Joq» - qabyldamaımyn.
«Biz osy jerde jáne jalpy qala boıynsha kezdesýlerdi barlyq 33 túzetýdi túsindirý úshin ótkizýdemiz. Jumys toby quryldy, ózgerister jobasyn Konstıtýsıalyq Keńestiń ózi qarady. Ár túzetý taldandy. Sondyqtan aldaǵy referendýmǵa jaýapkershilikpen qaraý óte mańyzdy, óıtkeni ol bizdiń memleketimizge demokratıalyq jolǵa turýǵa múmkindik beredi»,-dep atap ótti óz sózinde depýtat B.Torǵaev.
Kezdesýge qatysýshylardyń aıtýynsha, qoǵam konstıtýsıalyq ózgeristerdi, ásirese olardyń konstıtýsıalyq quqyqtaryn qorǵaýdy kúsheıtýge muqtaj.
«Biz óskeleń urpaqtyń ıgiligi úshin el Konstıtýsıasyna usynylǵan túzetýlerdi qoldaýǵa daıynbyz!»- dep atap ótti olar.
«Qańtardaǵy oqıǵalar qazaqstandyqtardy Konstıtýsıaǵa jahandyq túzetýler engizýinsiz eldi tolyqqandy reformalaý múmkin emestigin naqty túsinýge ıtermeledi. Sondyqtan, 5 maýsymda halyqtyń qoldaýy úshin usynylǵan konstıtýsıalyq ózgerister toptamasy shyndyqqa aınalýy jáne eldiń saıası-quqyqtyq kún tártibin túbegeıli ózgertýi tıis», - dep túıindedi M.Otynshıev.