Aqylbek Kúrishbaev Ulttyq ǵylym akademıasynyń byltyrǵy atqarǵan qyzmetiniń negizgi nátıjeleri jóninde baıandady, dep habarlaıdy aqshamnews.kz.
2024 jyly otandyq ǵylymnyń jaǵdaıyn baǵamdap, salany damytýdyń basym baǵyttaryn aıqyndaý maqsatynda júrgizilgen keshendi jumys jóninde málimet berdi: – byltyr baǵdarlamalyq-nysanaly qarjylandyrý kózdelgen 113 ǵylymı-tehnıkalyq tapsyrmaǵa saraptama júrgizilgen, sondaı-aq 3 ıntegrasıalanǵan ǵylym,pánaralyq ǵylymı-tehnıkalyq baǵdarlama ázirlengen.
Qasym-Jomart Toqaev otandyq ǵylymnyń áleýetin arttyrý úshin odan ári júıeli sharalar qabyldaý qajet ekenine nazar aýdardy. Taıaýda Ulttyq ǵylym akademıasyna Prezıdent janyndaǵy joǵary ǵylymı uıym mártebesin beretin Jarlyqqa qol qoıyldy. Úkimetke atalǵan Jarlyqty júzege asyrýǵa qatysty quqyqtyq máselelerdi jedeldetý týraly tapsyrma berildi.
Sondaı-aq ǵylymdy qarjylandyrý 3,5 ese ulǵaıdy, «Ǵylym jáne tehnologıalyq saıasat týraly» jańa zań qabyldandy. Jas ǵalymdardy áleýmettik turǵydan qoldaý kúsheıtildi. Prezıdenttiń tapsyrmasymen olarǵa baspana berilip jatyr.
Memleket basshysy Ulttyq ǵylym akademıasyna birqatar mindet júktedi.