Ómirzaq Shókeevtiń aıtýynsha, oblysta saýda, aýyl sharýashylyǵy, qurylys, ınvestısıa, shaǵyn jáne orta bıznes salalarynda ósim bar.
Memleket basshysy Túrkistan oblysynyń ákimi Ómirzaq Shókeevti qabyldady, dep habarlaıdy Almaty-akshamy.kz Aqordanyń resmı saıtyna silteme jasap.
Qasym-Jomart Toqaevqa Túrkistan oblysynyń áleýmettik-ekonomıkalyq damýynyń bıylǵy 9 aıdaǵy qorytyndylary týraly baıandaldy. Ómirzaq Shókeevtiń aıtýynsha, oblysta saýda, aýyl sharýashylyǵy, qurylys, ınvestısıa, shaǵyn jáne orta bıznes salalarynda ósim bar. Óńir jalpy ónimniń kórsetkishi boıynsha respýblıkada ekinshi orynǵa shyqqan.
Memleket basshysyna oblystaǵy epıdemıologıalyq ahýal týraly málimet berildi. Jalpy koronavırýs indeti bastalǵaly beri óńirde 14 645 adam indet juqtyrǵan. Bul – oblys turǵyndarynyń 1,6 paıyzy. Qazir aımaqtaǵy azamattardyń 97,8 paıyzy vaksınanyń birinshi komponentin alǵan.
Sondaı-aq Ómirzaq Shókeev Túrkistan qalasyn taza sýmen qamtamasyz etý jumystary boıynsha esep berdi. Oblys ortalyǵynyń mańyndaǵy 4 qaınar aýyz sý qoryn artyǵymen qamtamasyz etýge múmkindik bergen. Prezıdentke qazirgi ýaqytta óńirdegi aǵyn sý tapshylyǵy máselesin sheshýge baǵyttalǵan jumystar týraly baıandaldy. Qasym-Jomart Toqaev Túrkistan oblysynda atqarylyp jatqan jumystarǵa oń baǵa berdi. Memleket basshysy sýmen qamtamasyz etý jumystaryn jáne aımaqtaǵy ózge de qolǵa alynǵan jobalardy kezeń-kezeńimen, ýaqtyly júrgizip, tıanaqty aıaqtaýdy tapsyrdy.