Memleket basshysy Qasym-Jomart Toqaev Túrkıa Syrtqy ister mınıstri Hakan Fıdandy qabyldady.
Prezıdent, eń aldymen, Hakan Fıdandy Túrkıanyń Syrtqy ister mınıstri laýazymyna taǵaıyndalýymen quttyqtap, onyń qazaq-túrik qatynastaryn odan ári damytýǵa eleýli úles qosatynyna senim bildirdi, dep habarlaıdy Almaty-akshamy.kz Aqordanyń resmı saıtyna silteme jasap.
Sonymen qatar Qasym-Jomart Toqaev bıyl Túrkıa Respýblıkasynyń qurylǵanyna 100 jyl tolatynyn atap ótip, bul baýyrlas memleket úshin tarıhı beles ekenin jetkizdi.
«Bir ǵasyrdyń ishinde Anadoly saıası, áleýmettik-ekonomıkalyq jáne mádenı-gýmanıtarlyq salada orasan zor tabysqa jetti. Aımaqtyq jáne jahandyq máselelerdi sheshýge belsendi jáne tabandy túrde atsalysyp, álemniń bedeldi memleketine aınaldy. Men Túrkıanyń ǵasyrlyq merekesine oraı Astana kósheleriniń birin «Anadoly» dep ataýdy tapsyrdym», – dedi Qasym-Jomart Toqaev.
Memleket basshysy Túrkıa – bizdiń asa mańyzdy strategıalyq seriktesimiz ekenine nazar aýdaryp, eki el basshylarynyń kezdesýinde joǵary deńgeıdegi kóptegen ýaǵdalastyqqa qol jetkizilgenin aıtty.
«Baýyrlas elderimizdiń qarym-qatynasy keńeıtilgen strategıalyq áriptestik deńgeıine kóterildi. Túrkıa elimizdiń negizgi tórt saýda seriktesiniń birine aınaldy. Byltyr ekijaqty taýar aınalymy 54 paıyzǵa ósip, 6,3 mıllıard dollarǵa jetti. Osy kórsetkishti jaqyn arada 10 mıllıardqa jetkizýge kelistik. Eki el arasynda ınvestısıalyq yntymaqtastyq qarqyndy damyp kele jatyr. Túrkıa – Qazaqstannyń eń iri 10 ınvestorynyń biri. Qazir jalpy quny 2,8 mıllıard dollardan asatyn 36 joba boıynsha jumys júrip jatyr. Sondyqtan eki el arasyndaǵy yntymaqtastyqtyń bolashaǵy zor dep oılaımyz», – dedi Prezıdent.