Memleket basshysy Qasym-Jomart Toqaev Prezıdent Gýrbangýly Berdimuhamedovke jedelhat joldady. Onda barsha qazaqstandyqtardyń jáne jeke óziniń atynan Túrikmenstannyń kóshbasshysy men túrikmen halqyn Táýelsizdiktiń 30 jyldyǵymen quttyqtaǵan, dep habarlaıdy almaty-akshamy.kz
– Bul tarıhı data Sizdiń halqyńyzdyń jalpy ult bolyp uıysqanyn jáne jasampazdyq rýhynyń bıik ekenin kórsetedi. Túrikmenstannyń memlekettiligi men ornyqtylyǵyn odan ári nyǵaıtýda munyń máni zor. Sizdiń kóregen basshylyǵyńyzdyń arqasynda zamanaýı Túrikmenstan beıtarap memleket retinde áleýmettik-ekonomıkalyq jańǵyrý jáne halyqaralyq arenadaǵy ornyn nyǵaıtý turǵysynan zor jetistikterge qol jetkizdi, – delingen jedelhatta.
Sonymen qatar Qasym-Jomart Toqaev osy jyldar ishinde qazaq-túrikmen strategıalyq seriktestigi kóp ǵasyrlyq dostyq, tatý kórshilik jáne ózara qoldaý rýhynda damyp kele jatqanyn atap ótti.
– Osynaý ataýly mereke kúni Sizdiń asa jaýapty memlekettik qyzmetińizge tabys tileımin jáne baýyrlas Túrikmenstan halqynyń ósip-órkendeı berýine nıettestik bildiremin, – dep jazylǵan jedelhatta.