Memleket basshysy qabyldanǵan sharalardyń mańyzyn atap ótip, atalǵan usynystardy qoldady.
Qasym-Jomart Toqaev Premer-Mınıstrdiń orynbasary Tamara Dúısenovany qabyldady, dep habarlaıdy aqshamnews.kz Aqordaǵa silteme jasap.
Tamara Dúısenova:
áleýmettik salany qarjylandyrýdyń jańa ádisterin tanystyrdy. Atalǵan tásilder bólingen qarjynyń shyn muqtaj jandarǵa jetýin, memlekettik qoldaý sharalarynyń ashyqtyǵyn, sondaı-aq búdjet qarajatynyń tıimdi jumsalýyn qamtamasyz etýge baǵyttalǵan;
osy salaǵa 14,5 trıllıon teńge bólingenin jetkizdi. Bul jalpy memlekettik búdjettiń 60 paıyzyn quraıdy;
Otbasynyń sıfrlyq kartasy arqyly kórsetiletin qyzmetter azamattardyń áleýmettik sanatyna qaraı derbes usynylatyny týraly baıandady;
búginde áleýmettik salany sıfrlandyrýdyń deńgeıi qyzmet alýshylardy jáne olarǵa kórsetilgen qyzmet kólemin anyqtap qana qoımaı, memlekettik qoldaý sharalarynyń qurylymyna túzetý engizýge múmkindik beretinin aıtty. Aýyr turmystyq jaǵdaıdaǵy otbasylarǵa arnalǵan utymdy ári tıimdi kómek sharalary ázirlenedi;
bilim berý, medısınalyq kómek sapasyn arttyrý jáne áleýmettik nysandar qurylysy men aýyl turǵyndaryn qoldaý boıynsha Úkimet tarapynan qolǵa alynǵan jobalar jaıynda málimet berdi.
Memleket basshysy qabyldanǵan sharalardyń mańyzyn atap ótip, atalǵan usynystardy qoldady. Sondaı-aq buǵan deıin bastalǵan jumystardy júıeli túrde jalǵastyrýdy tapsyrdy.