Qasym-Jomart Toqaev ulttyq analıtıkalyq jáne sıfrlyq transformasıa ortalyqtaryn, ulttyq jobalaý ofısin qamtıtyn Sıfrlyq úkimet ofısiniń jumysyn bastaýǵa ruqsat berdi, dep habarlaıdy almaty-akshamy.kz
Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın Qazaqstan Prezıdentine Sıfrlyq úkimet ofısiniń negizgi mindetteri men jobalary týraly baıandady. Mınıstrdiń aıtýynsha, ofıs jumysynyń aıasynda bastapqy taldaýdy avtomattandyrý, boljamdar men damý senarılerin ázirleý, qol jetkiziletin maqsatty kórsetkishterge tónetin qaýipterge monıtorıń jasaý jáne anyqtaý qyzmetteri, sondaı-aq basqa da jumystar júzege asyrylady. Sıfrlyq transformasıa ortalyǵy memlekettik organdardyń jumys úderisin ózgertip, olardy sıfrlyq formatqa aýystyrýmen aınalysady.
Saýda jáne ıntegrasıa mınıstrligi Memleket basshysyna İshki jáne syrtqy saýda jónindegi taldaý platformasyn tanystyrdy. Atalǵan platforma azyq-túlik baǵasyn onlaın rejımde baqylaýǵa jáne boljaýǵa múmkindik beredi.
Sıfrlyq damý, ınovasıalar jáne aeroǵarysh mınıstrligi el halqynyń ekpe alý qarqynyn baqylaýǵa arnalǵan jobany tanystyrdy.
Jıyn barysynda Strategıalyq josparlaý jáne reformalar agenttiginiń tóraǵasy, Astana halyqaralyq qarjy ortalyǵynyń basqarýshysy Qaırat Kelimbetov, Qarjy mınıstri Erulan Jamaýbaev, Densaýlyq saqtaý mınıstri Alekseı Soı jáne basqa da jaýapty tulǵalar sóz sóıledi.