Búgin, 2026 jyldyń 9 qańtarynda prezıdent Qasym-Jomart Toqaev Sıfrlyq kodekske qol qoıdy, dep habarlaıdy Aqshamnews.kz tilshisi.
Aıta keteıik, Sıfrlyq kodeksti parlament byltyr kúzde qabyldaǵan bolatyn.
Májilis depýtaty, «AMANAT» partıasy fraksıasynyń múshesi, Ekonomıkalyq reforma jáne óńirlik damý komıtetiniń tóraǵasy Nurtaı Sabılánovtyń aıtýynsha, Sıfrlyq kodeks jobasy men eki ilespe zań jobasy prezıdenttiń 2023 jylǵy 1 qyrkúıektegi Qazaqstan halqyna joldaýyn iske asyrý maqsatynda ázirlengen. Kodeks jobasy men ilespe zań jobalaryna parlament depýtattary bastamashylyq etken.
"Sıfrlyq kodekstiń jobasy 10 taraýdan turady. Kodeks jobasy sıfrlyq ortadaǵy qatynastardy, onyń ishinde quqyqtyq qatynas obektileriniń túrleri, sıfrlyq orta sýbektileri, sıfrlyq sáıkestendirý jáne baqylaý, táýekelderdi basqarý boıynsha qatynastardy retteýge, sıfrlyq ortada jeke adamnyń, qoǵamnyń jáne memlekettiń qaýipsizdigin qamtamasyz etýge baǵyttalǵan", - degen edi Sabılánov Májilistiń jalpy otyrysynda.
Al ilespe zań jobalarynda memlekettik qyzmet kórsetýdiń qaǵıdattaryn aıqyndaý jáne saqtaý jóninde tolyqtyrýlar, memlekettik qyzmet kórsetý salasyndaǵy zańnamalyq aktilerde belgilengen talaptardy saqtamaǵany úshin ákimshilik jaýapkershilik engizý kózdelgen.
Komıtet zań jobalary boıynsha qorytyndy ázirleıdi.