Aqtóbedegi saıabaqta batýtta oınaǵan 8 jastaǵy bala aýyr jaraqat alyp, keıin múgedek bolyp qaldy. Sot batýt parkiniń qaýipsizdik talaptaryn saqtamaǵanyn dáleldedi, dep habarlaıdy Aqshamnews.kz tilshisi.
Oqıǵa 2024 jyly bolǵan: bala durys úrlenbegen matrasqa sekirip, birneshe jerden súıegi synǵan. Ota jasalǵanymen jaǵdaıy nasharlap, jansaqtaý bólimine túsken. Keıin qaıta operasıalar jasalyp, emin Astanada jalǵastyrǵan. 2025 jyldyń qańtarynda oǵan III top múgedektigi taǵaıyndalǵan.
Balanyń anasy moraldyq shyǵyndy óndirýdi talap etip, sotqa júgingen. Alǵashqy sot batýt parkinen 2 mln teńge óndirse, apelásıada park balalarǵa qaýipsiz orta jasamaǵany anyqtalyp, ótemaqy kólemi 7 mln teńgege deıin ulǵaıtyldy.
Aıta keteıik, buǵan deıin bul jaǵdaı boıynsha qylmystyq is qozǵalǵanymen, keıin toqtatylǵan.