Memleket basshysynyń tóraǵalyǵymen elimizdiń áleýmettik-ekonomıkalyq damýyn boljaý jáne 2024-2026 jyldarǵa arnalǵan respýblıkalyq búdjet jobasynyń máseleleri jóninde jumys keńesi ótti, dep habarlaıdy Almaty-akshamy.kz.
Prezıdentke álemdik ekonomıkadaǵy trendter, elimizdiń áleýmettik-ekonomıkalyq damýyna jasalǵan boljamdar, sondaı-aq 2024-2026 jyldarǵa arnalǵan respýblıkalyq búdjet jobasynyń parametrleri týraly málimet berildi.
Memleket basshysy:
- teńgerimdi makroekonomıkalyq saıasat júrgizý, memlekettiń áleýmettik salada qabyldaǵan barlyq mindettemelerin saqtaý mańyzdy ekenine nazar aýdardy;
- josparlanǵan ınfraqurylymdyq jáne áleýmettik jobalarǵa, ekonomıkanyń naqty sektoryn qoldaýǵa jáne damytýǵa, jalpymemlekettik shyǵyndarǵa, sonyń ishinde qorǵanys jáne quqyq qorǵaý júıeleriniń tıimdiligin arttyrýǵa baǵyttalǵan shyǵyndardy tolyqqandy qarjylandyrý qajet ekenin atap ótti.
Keńes qorytyndysy boıynsha Úkimetke búdjet prosesine baqylaýdy kúsheıtý, makroekonomıkalyq turaqtylyqty qamtamasyz etý jáne memlekettik organdardyń qarjy jumsaý tártibin jetildirý jóninde tapsyrma berildi.