Reseılik birqatar qandasymyz memlekettik marapatqa ıe boldy. Bul týraly «Otandastar qory» komersıalyq emes aksıonerlik qoǵamynan málim etti, dep habarlaıldy Almaty-akshamy.kz Inform.kz-ke silteme jasap.
QR Prezıdenti Qasym-Jomart Toqaevtyń sheshimimen memlekettik jáne qoǵamdyq qyzmette sińirgen eńbegi men halyqtar arasyndaǵy dostyqty nyǵaıtýǵa qosqan eleýli úlesi úshin «Shapaǵat» medalimen marapattaldy:
- Reseı Federasıasy Krasnoıarsk qalasynyń «Aq Jaıyq» jergilikti qazaq ulttyq-mádenı avtonomıasy qoǵamdyq uıymy tóraǵasynyń orynbasary Gúlnar Ǵarıfqyzy;
- «Omby qazaqtary» qoǵamdyq uıymynyń negizin qalaýshy, «Omby qazaqtary» óńirlik mádenı-aǵartý gazetiniń bas redaktory, Reseı Jýrnalıser odaǵynyń múshesi Torǵyn Muhamedıarqyzy marapattaldy.
30 jeltoqsanda Qazaqstannyń Máskeýde ornalasqan elshilik ǵımaratynda marapatty elimizdiń Reseıdegi Elshisi Ermek Kósherbaev tabystady.
Qor málimetine súıensek,Gúlnar Garıfqyzy 2012 jyldan bastap Krasnoıarsk ólkesiniń aýmaǵynda qazaq mádenıetin saqtaýǵa jáne nasıhattaýǵa baǵa jetpes úles qosyp keledi.
Torǵyn Muhamedıarqyzy 2008 jyly «Omby qazaqtary» qoǵamdyq uıymyn qurdy. Ulttyq qundylyqtarymyzdy saqtap, dáripteýge, ásirese jastar arasynda dástúrli qundylyqtardy, til men mádenıetti damytýǵa kóptegen mańyzdy jobalardy júzege asyrýda. Uıymnyń eń tanymal jobalary: jalpyqalalyq Naýryz, «Arý qyz» - talant jáne sulýlyq baıqaýy, «Dostyq lıgasy» jastar búkilreseılik ultaralyq forýmy, qazaq jastarynyń «Alǵa»forýmy jáne taǵy basqa.