Prezıdent Qasym-Jomart Toqaevqa Qyzylorda oblysynda 2021 jyly atqarylǵan jumystar týraly esep berildi
Qyzylorda oblysynyń ákimi Gúlshara Ábdiqalyqovanyń aıtýynsha, oblystaǵy ekonomıkanyń negizgi kórsetkishteri – óndiristik ónim kólemi 0,8 paıyzǵa, óńdeý ónerkásibi 14,5 paıyzǵa, jeke ınvestısıa 11,7 paıyzǵa, saýda 2,4 paıyzǵa, paıdalanýǵa berilgen turǵyn úı 8,6 paıyzǵa, aýyl sharýashylyǵy óniminiń kólemi 0,3 paıyzǵa artqan, dephabarlaıdy Almaty-akshamy.kz Aqordanyń resmı saıtyna silteme jasap.
Óńirde ındýstrıalandyrý baǵdarlamasynyń úshinshi besjyldyǵy aıasynda byltyr quny 45,2 mıllıard teńge bolatyn 4 joba júzege asyrylyp, 456 jumys orny ashylǵan.
Sondaı-aq kezdesý barysynda oblys ekonomıkasyna tikeleı áser etetin negizgi problemalyq máseleler talqylandy. Atap aıtqanda, Syrdarıa ózeni deńgeıiniń kúrt tómendeýi, taýarlyq gazdyń kóterme baǵasy, tasymaldaý tarıfiniń shyǵyndary men jergilikti gaz úlesin arttyrý jáne agroqurylymdardaǵy jer daýy máseleleri týraly baıandaldy.
Qasym-Jomart Toqaev Qyzylorda oblysynda atqarylyp jatqan jumystardy saralaı kele, Úkimetpen birlesip túıtkildi máselelerdi sheshý jáne qolǵa alynǵan jobalardy odan ári jalǵastyrý jóninde tapsyrma berildi.