Qasym-Jomart Toqaevqa ulttyq kompanıanyń qazirgi jumystary men qarjylyq jaǵdaıy jáne aldaǵy kezeńdegi damý perspektıvalary týraly esep berildi.
Kezdesý barysynda Kaspıı qubyr jelisi konsorsıýmyna qatysty ahýalǵa erekshe nazar aýdaryldy. Prezıdentke aılaqtyń jyljymaly qurylǵylar júıesin jóndeý jumystarynyń jýyrda aıaqtalatyny jóninde baıandaldy, dep habarlaıdy Almaty-akshamy.kz Aqordaǵa silteme jasap.
Bul Qazaqstan munaıyn Kaspıı qubyr jelisi konsorsıýmy arqyly tasymaldaýdyń burynǵy kólemin qalpyna keltirýge múmkindik beredi.
Sonymen qatar Qasym-Jomart Toqaevqa Atyraý oblysyndaǵy polıpropılen shyǵaratyn keshen qurylysynyń barysy týraly málimet berildi. Maǵzum Myrzaǵalıevtiń aıtýynsha, atalǵan zaýyttyń qurylysyn jýyq arada aıaqtaý josparlanyp otyr. Bul munaı-gaz hımıasynyń ónimi boıynsha Qazaqstannyń netto-eksporterge aınalýyna múmkindik beredi.
Memleket basshysy elimizdiń munaı-gaz hımıasy salasyn damytýdyń asa mańyzdy ekenin aıtty.