Rýstam Júrsinov Memleket basshysyna atqarylǵan jumystar men otandyq bıznesti odan ári qoldaý jáne kásipkerlerdiń múddesin qorǵaý jospary jóninde málimet berdi, dep habarlaıdy Almaty-akshamy.kz. Aqordaǵa silteme jasap.
Ýákil Prezıdentke 2022 jyly 4408 ótinish kelip túskenin, onyń 1530-y (34%) oń sheshimin tapqanyn jáne 1030 (23%) ótinish boıynsha túsindirý jumystary júrgizilgenin aıtty. Sondaı-aq byltyr bıznes-ombýdsmen elimizdiń barlyq óńirinde kásipkerlermen kezdesý ótkizgen. Ýákil ótken jyly reıderlikke qarsy kúresti kúsheıtýge jáne bıznesti memlekettik organdardyń zańsyz aralasýynan qorǵaýǵa qatysty túzetýler zańnamaǵa engizilgenin jetkizdi. Prezıdentke kásipkerlik qyzmet salasyna jańa retteýshi saıasatty engizý jónindegi tapsyrmalarynyń oryndalý barysy týraly baıandaldy.
Qasym-Jomart Toqaev Qazaqstan kásipkerleriniń quqyqtaryn qorǵaý jónindegi ýákildiń esebin qabyldap, bızneske qatysty ákimshilik kedergilerdi anyqtaýǵa jáne olardy joıý sharalaryn ázirleýge baǵyttalǵan birqatar tapsyrma berdi.