Prezıdent Qasym-Jomart Toqaevtyń Jetisý oblysyna jumys sapary Qaratal aýdanynda jalǵasty. Memleket basshysy aýdan ortalyǵy – Úshtóbe qalasyndaǵy Qaratal tarıhı-ólketaný mýzeıine bardy. Mýzeı bıyl paıdalanýǵa berilgen, dep habarlaıdy almaty-akshamy.kz
Jalpy aýdany 2520 sharshy metr bolatyn qos qabatty ǵımaratta ólke tarıhyna qatysty 350-ge jýyq eksponat qoıylǵan.
Memleket basshysyna mýzeıdegi arheologıalyq artefaktiler, etnografıalyq jádigerler kórsetilip, Qaratal aýdanynyń tarıhy jáne jazýshy Kemel Toqaev, Qazaq SSR halyq ártisi Bıken Rımova, osy óńirden shyqqan aqyn-jyraýlar, bı-sheshender men elge eńbegi sińgen basqa da tulǵalar týraly tyń derekter tanystyryldy.
Prezıdent mýzeıde jergilikti zıaly qaýym ókilderimen júzdesý barysynda murajaıdy aralap shyqqanyn jáne ondaǵy jádigerlerdi kóbeıtý kerektigin atap ótti. Sondaı-aq qoǵam damýy úshin mundaı mádenı nysandardyń qajet ekenine nazar aýdardy.
Sonymen qatar Qasym-Jomart Toqaev Qurmetti qonaqtar kitabyna qoltańba qaldyrdy.
