Parlamenttiń tómengi palatasynyń jumysy týraly aıtyldy.
Qasym-Jomart Toqaevqa «Jańa Qazaqstan: jańarý men jańǵyrý joly» atty Joldaýynyń negizgi baǵyttaryn zańnamalyq turǵydan qamtamasyz etý jónindegi tómengi Palatanyń atqaryp jatqan jumystary týraly málimet berildi, dep habarlaıdy Almaty-akshamy.kz Aqorda saıtyna silteme jasap.
Prezıdentke berilgen aqparatqa sáıkes, ekinshi sesıa bastalǵaly beri Májilis depýtattarynyń qaraýyna 96 zań jobasy túsken jáne onyń 53-i maquldanyp, Senatqa joldanǵan.
Sonymen qatar Májilis tóraǵasy Parlamenttiń tómengi palatasy jumysynyń jańa formattary týraly aıtty. Depýtattar endi óz jumystarynda ashyqtyqty arttyrýǵa, parlamenttik mádenıetti nyǵaıtýǵa jáne halyqpen aradaǵy yqpaldastyqty kúsheıtýge basa mán beredi. Qoǵamdaǵy óte mańyzdy máseleler boıynsha parlamenttik tyńdalymdar men basqa da is-sharalar jıi ótkiziledi.
Parlamenttiń tómengi palatasynda azamattardyń ótinishteri men talap-tilekterine, sonyń ishinde depýtattardyń óńirlerge sapary barysynda kóterilgen máselelerge qatysty jumystyń jańa tetikteri engiziledi. Májilis depýtattary jergilikti jerlerde saılaýshylarmen turaqty kezdesýler ótkizedi.