Memleket basshysy búgin taratylǵan Parlament Májilisiniń jetinshi shaqyrylym depýtattaryna tabysty jumysy úshin alǵys aıtty, dep habarlaıdy almaty-akshamy.kz
«Parlament Májilisiniń jetinshi shaqyrylym depýtattaryna Ádiletti Qazaqstandy qurý baǵytyn zańnamalyq turǵyda qamtamasyz etip, elimizdiń ózekti áleýmettik-ekonomıkalyq máselelerin sheshken, saıası jáne ekonomıkalyq reformalardy júrgizýge belsendi atsalysqan, qoǵamdaǵy turaqtylyq pen zań ústemdigin qamtamasyz etken tabysty jumysy úshin alǵys aıtamyn.
Májilis depýtattary joǵary kásibıliktiń, azamattardyń aldynda jaýapkershilik jáne shynaıy patrıotızmniń úlgisin kórsetti» delingen Memleket basshysynyń İnstagram-daǵy paraqshasynda.