Qasym-Jomart Toqaevqa Nur-Sultan qalasynyń áleýmettik-ekonomıkalyq jáne ınfraqurylymdyq damýy týraly málimet berildi
Prezıdent Nur-Sultan qalasynyń ákimi Altaı Kólginovti qabyldady, dep habarlaıdy Almaty-akshamy.kz. Akorda.kz-ke silteme jasap.
Prezıdentke kezekte turǵan elordalyqtardy qoljetimdi baspanamen qamtý, úsh aýysymda oqytý máselesin sheshý, ınvestısıa tartý, áleýmettik mańyzy bar azyq-túlik baǵasyn turaqtandyrý jáne «halyq únine qulaq asatyn memleket» tujyrymdamasynyń aıasynda kúsheıtilgen keri baılanys týraly baıandaldy. Qala ákiminiń aıtýynsha, bıyl 10 myń áleýmettik páter salynady. Bul kórsetkish burynǵy jyldarmen salystyrǵanda edáýir artqan. Mysaly, 2020 jyly – 7 myń, 2019 jyly – 2900, 2018 jyly – 1800 áleýmettik páter paıdalanýǵa berilgen. Sonymen qatar bıyl 40 myń oqýshyǵa arnalǵan 15 mektep ǵımaraty paıdalanýǵa berilgen.
Memleket basshysyna qaladaǵy aıaqtalǵan úlestik qurylystardyń jáne gazdandyrý, qala shetindegi eldi mekenderdi damytý, sıfrlandyrý, abattandyrý jumystarynyń qorytyndysy týraly aıtyldy.
Altaı Kólginov qaladaǵy epıdemıologıalyq jaǵdaıdy turaqtandyrý sharalary men vaksınalaý boıynsha esep berdi.
Qasym-Jomart Toqaev elordany odan ári damytýǵa, atap aıtqanda, gazben qamtýǵa, ınvestısıa tartýǵa, úlestik qurylysqa qatysty máselelerdi sheshýge jáne jylytý maýsymy barysynda qazandyqtardyń úzdiksiz jumys isteýine qatysty birqatar tapsyrma berdi.